اس کے آنے پہ بھی نہیں آئی
درد میں کچھ کمی نہیں آئی
عمر بھر دوستوں نے محنت کی
پر ہمیں دوستی نہیں آئی
اپنے ہی گھر پہ آ نکلتے ہیں
ہم کو آوارگی نہیں آئی
دوستوں کے کسی لطیفے پر
آج ہم کو ہنسی نہیں آئی
ہم کو بھی شوق زندگی کا تھا
کیا کہیں راس ہی نہیں آئی
اب کے آئی بھی اور گئی بھی بہار
فصل دیوانگی نہیں آئی
زندگی بن گئی عدو سی شجاعؔ
اور ہمیں موت بھی نہیں آئی
مأخذ:
Allah Hu (Pg. 28)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
