uske dil mein jo band rahta hai
us ke dil meñ jo band rahtā hai
zindagī bhar vo raaz khultā hai
mor ke paañv meñ jo kāñTā hai
mor ke sāth-sāth nāchā hai
ham batāte haiñ mas.ala kyā hai
log kahte haiñ she'r achchhā hai
kis kī āñkhoñ se kaun rotā hai
sirf allāh jaan saktā hai
merā kuchh māñgnā guzārish hai
us kā kuchh māñgnā taqāza hai
der tak nāchne nahīñ detā
zehn-o-dil pe jo bojh rakkhā hai
koī chādar vafā nahīñ kartī
vaqt jab khīñch-tān kartā hai
aap ke bhes meñ abhī ham ne
aap kā intizār dekhā hai
apne apne muġhālate haiñ miyāñ
varna duniyā meñ kaun kis kā hai
us ke dil mein jo band rahta hai
zindagi bhar wo raaz khulta hai
mor ke panw mein jo kanTa hai
mor ke sath-sath nacha hai
hum batate hain masala kya hai
log kahte hain she'r achchha hai
kis ki aankhon se kaun rota hai
sirf allah jaan sakta hai
mera kuchh mangna guzarish hai
us ka kuchh mangna taqaza hai
der tak nachne nahin deta
zehn-o-dil pe jo bojh rakkha hai
koi chadar wafa nahin karti
waqt jab khinch-tan karta hai
aap ke bhes mein abhi hum ne
aap ka intizar dekha hai
apne apne mughaalate hain miyan
warna duniya mein kaun kis ka hai
- Book : Hijr Ki Dusri Dawa (Pg. 37)
- Author : Fahmi Badayuni
- Publication : Rekhta Publications (2022)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
