uske honTon par sur mahka karte hain

Swapnil Tiwari

uske honTon par sur mahka karte hain

Swapnil Tiwari

MORE BYSwapnil Tiwari

    us ke hoñToñ par sur mahkā karte haiñ

    ham ab ḳhushbū se tar soyā karte haiñ

    raushan rahte haiñ ġham sat.h pe ashkoñ

    ye patthar paanī par tairā karte haiñ

    din bhar maiñ in nigarānī kartā huuñ

    shab bhar mere sapne jaagā karte haiñ

    āñkheñ dhote haiñ sone ke paanī se

    jāgte jo tum ko dekhā karte haiñ

    vo jo jhoñke jaisā aatā jaatā hai

    ham jo havā ko chhū kar bikhrā karte haiñ

    pañdrah din ho kar marne lagtā hai

    kyuuñ ham chāñd ko paalā posā karte haiñ

    ham ko aañsū milte haiñ siip meñ bhī

    vo ashkoñ meñ motī royā karte haiñ

    bosa lene meñ kyuuñ kaT jaate haiñ hoñT

    ham māñjhe dāñtoñ se kaaTā karte haiñ

    aksar sāñseñ rok ke suntā rahtā huuñ

    us ke lams badan par dhaḌkā karte haiñ

    niiñd khule to us ko pahlū meñ paa.eñ

    ham bhī kaise sapne dekhā karte haiñ

    saarā ġhussa ab bas is kaam aatā hai

    ham is se cigarette sulgāyā karte haiñ

    us ke honTon par sur mahka karte hain

    hum ab KHushbu se tar soya karte hain

    raushan rahte hain gham sath pe ashkon ki

    ye patthar pani par taira karte hain

    din bhar main in ki nigarani karta hun

    shab bhar mere sapne jaga karte hain

    aankhen dhote hain sone ke pani se

    jagte hi jo tum ko dekha karte hain

    wo jo jhonke jaisa aata jata hai

    hum jo hawa ko chhu kar bikhra karte hain

    pandrah din ka ho kar marne lagta hai

    kyun hum chand ko pala posa karte hain

    hum ko aansu hi milte hain sip mein bhi

    wo ashkon mein moti roya karte hain

    bosa lene mein kyun kaT jate hain honT

    hum manjhe danton se kaTa karte hain

    aksar sansen rok ke sunta rahta hun

    us ke lams badan par dhaDka karte hain

    nind khule to us ko pahlu mein paen

    hum bhi kaise sapne dekha karte hain

    sara ghussa ab bas is kaam aata hai

    hum is se cigarette sulgaya karte hain

    Source
    • Book : Chand Dinner per Baitha Hai (Pg. 14)
    • Author : Swapnil Tiwari
    • Publication : Anybook, Gurgaon (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY