usko bhi kisi roz mera dhyan rahega
us ko bhī kisī roz mirā dhyān rahegā
zinda jo rahūñgā to ye imkān rahegā
jis lafz se phūTegī tire dard kī ḳhushbū
vo lafz mire she'r kī pahchān rahegā
achchhā hī huā ḳhud ko bhī ab bhuul ga.e haiñ
ham par tirī yādoñ kā ye ehsān rahegā
kuchh roz abhī jashn huā hogā yahāñ bhī
kuchh roz abhī gard kā tūfān rahegā
ham kitnā hī bahlā.eñ nahīñ bahlegā ye dil
ham kitnā hī samjhā.eñ pareshān rahegā
haañ ahl-e-jahāñ ḳhaak uḌāte hī raheñge
jab tak mirī vahshat kā bayābān rahegā
ham dekh ke us shaḳhs ko anjān baneñge
vo shaḳhs hameñ dekh ke hairān rahegā
us ko bhi kisi roz mera dhyan rahega
zinda jo rahunga to ye imkan rahega
jis lafz se phuTegi tere dard ki KHushbu
wo lafz mere she'r ki pahchan rahega
achchha hi hua KHud ko bhi ab bhul gae hain
hum par teri yaadon ka ye ehsan rahega
kuchh roz abhi jashn hua hoga yahan bhi
kuchh roz abhi gard ka tufan rahega
hum kitna hi bahlaen nahin bahlega ye dil
hum kitna hi samjhaen pareshan rahega
han ahl-e-jahan KHak uDate hi rahenge
jab tak meri wahshat ka bayaban rahega
hum dekh ke us shaKHs ko anjaan banenge
wo shaKHs hamein dekh ke hairan rahega
Source:
Wahima Vajood Ka (Pg. 54)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Source:
Sabhi Rang Tumhare Nikle (Pg. 56)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.