usko jo kuchh bhi kahun achchha bura kuchh na kare

us ko jo kuchh bhī kahūñ achchhā burā kuchh na kare

yaar merā hai magar kaam mirā kuchh na kare

kaise mumkin hai ki dil rañj pe āmāda ho

aur badle meñ udāsī kā ḳhudā kuchh na kare

dūsrī baar bhī paḌ jue agar kuchh karnā

aadmī pahlī mohabbat ke sivā kuchh na kare

koī hairat koī sūrat nahīñ darkār mujhe

aa.ina yā tirī bāteñ kare yā kuchh na kare

iktifā kar liyā bas dekhte rahne pe tujhe

varna tū jis kā muqaddar ho vo kyā kuchh na kare

log aise haiñ ki jo dil se tasallī bhī na deñ

vaqt aisā hai ki jab koī duā kuchh na kare

chhoḌ kar apne ḳhudā ko tire paas aayā huuñ

aur agar tū bhī mire mas.ale kā kuchh na kare

us ko jo kuchh bhi kahun achchha bura kuchh na kare

yar mera hai magar kaam mera kuchh na kare

kaise mumkin hai ki dil ranj pe aamada ho

aur badle mein udasi ka KHuda kuchh na kare

dusri bar bhi paD jue agar kuchh karna

aadmi pahli mohabbat ke siwa kuchh na kare

koi hairat koi surat nahin darkar mujhe

aaina ya teri baaten kare ya kuchh na kare

iktifa kar liya bas dekhte rahne pe tujhe

warna tu jis ka muqaddar ho wo kya kuchh na kare

log aise hain ki jo dil se tasalli bhi na den

waqt aisa hai ki jab koi dua kuchh na kare

chhoD kar apne KHuda ko tere pas aaya hun

aur agar tu bhi mere masale ka kuchh na kare