اس نے کیا حجاب مرے دیکھنے کے بعد
اس کو ملا ثواب مرے دیکھنے کے بعد
صورت پہ چار چاند لگے تھے جناب کی
یہ بھی تھا انقلاب مرے دیکھنے کے بعد
میری نظر سے ڈالیاں چھو کر ہری ہوئیں
کھلنے لگے گلاب مرے دیکھنے کے بعد
اتنا میں شعر فہم نہیں ہوں مگر یہاں
چھپتے ہیں انتخاب مرے دیکھنے کے بعد
کھلتا ہی جا رہا ہے کسی رخ کے روبرو
شرم و حیا کا باب مرے دیکھنے کے بعد
پہلے نظر اٹھا کے مجھے دیکھتے بھی تھے
لیکن یہ اجتناب مرے دیکھنے کے بعد
میری نظر میں دوستو شدت بلا کی تھی
ٹوٹا پڑا تھا خواب مرے دیکھنے کے بعد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
