usne socha bhi nahin tha kabhi aisa hoga

us ne sochā bhī nahīñ thā kabhī aisā hogā

dil hī isrār karegā ki bichhaḌnā hogā

kashtiyāñ ret pe baiThī haiñ umīdeñ bāñdhe

aisā lagtā hai ye sahrā kabhī dariyā hogā

ik udāsī mirī dahlīz pe baiThī hogī

ek jugnū mire kamre meñ bhaTaktā hogā

tum ne vo zaḳhm diyā hai mirī tanhā.ī ko

jo na āsūda-e-ġham hogā na achchhā hogā

chāñd jis raat na niklā to gumāñ guzrā hai

vo yaqīnan tire āñgan meñ chamaktā hogā

apnā sar kaaT ke neze pe uThā.e rakkhā

sirf ye zid ki mirā sar hai to ūñchā hogā

us ne socha bhi nahin tha kabhi aisa hoga

dil hi israr karega ki bichhaDna hoga

kashtiyan ret pe baiThi hain umiden bandhe

aisa lagta hai ye sahra kabhi dariya hoga

ek udasi meri dahliz pe baiThi hogi

ek jugnu mere kamre mein bhaTakta hoga

tum ne wo zaKHm diya hai meri tanhai ko

jo na aasuda-e-gham hoga na achchha hoga

chand jis raat na nikla to guman guzra hai

wo yaqinan tere aangan mein chamakta hoga

apna sar kaT ke neze pe uThae rakkha

sirf ye zid ki mera sar hai to uncha hoga