us se kah do ki har ek waqt sataya na kare

us se kah do ki har ik vaqt satāyā na kare

dil kī bātoñ ko kabhī mujh se chhupāyā na kare

log paḌh lete haiñ āñkhoñ ko bhī pal bhar meñ yahāñ

pyaar āñkhoñ se bhī apnī vo jatāyā na kare

mujh ko badnām hī kar deñge zamāne vaale

merī har baat kisī ko bhī batāyā na kare

us ke hī naam se joḌeñge mirā naam sabhī

mujh ko āvāz vo is tarh lagāyā na kare

log hāthoñ meñ namak le ke phirā karte haiñ

zaḳhm un ko vo kabhī apne dikhāyā na kare

ai 'kiran' hai jo tū maujūd to raushan hai jahāñ

abr se kah do ki be-vaqt vo chhāyā na kare

us se kah do ki har ek waqt sataya na kare

dil ki baaton ko kabhi mujh se chhupaya na kare

log paDh lete hain aankhon ko bhi pal bhar mein yahan

pyar aankhon se bhi apni wo jataya na kare

mujh ko badnam hi kar denge zamane wale

meri har baat kisi ko bhi bataya na kare

us ke hi nam se joDenge mera nam sabhi

mujh ko aawaz wo is tarh lagaya na kare

log hathon mein namak le ke phira karte hain

zaKHm un ko wo kabhi apne dikhaya na kare

ai 'kiran' hai jo tu maujud to raushan hai jahan

abr se kah do ki be-waqt wo chhaya na kare