use bas KHwab mein dekha tha pahle

use bas ḳhvāb meñ dekhā thā pahle

kahāñ vo sāmne aatā thā pahle

mohabbat naaz andāz-o-bayāñ meñ

salīqa ik huā kartā thā pahle

ye dīd-e-husn ye husn-e-nazārā

pas-e-chilman huā kartā thā pahle

diloñ meñ fāsla itnā nahīñ thā

diloñ se dil milā hotā thā pahle

bahut mahñgā hai ab kār-e-mohabbat

bahut thoḌe meñ chal jaatā thā pahle

gurezāñ hai jo ab saa.e se mere

mirā saaya huā kartā thā pahle

huā vo mehrbāñ piirī meñ 'tanhā'

vahī but jo javāñ hotā thā pahle

use bas KHwab mein dekha tha pahle

kahan wo samne aata tha pahle

mohabbat naz andaz-o-bayan mein

saliqa ek hua karta tha pahle

ye did-e-husn ye husn-e-nazara

pas-e-chilman hua karta tha pahle

dilon mein fasla itna nahin tha

dilon se dil mila hota tha pahle

bahut mahnga hai ab kar-e-mohabbat

bahut thoDe mein chal jata tha pahle

gurezan hai jo ab sae se mere

mera saya hua karta tha pahle

hua wo mehrban piri mein 'tanha'

wahi but jo jawan hota tha pahle