اسے بس خواب میں دیکھا تھا پہلے
اسے بس خواب میں دیکھا تھا پہلے
کہاں وہ سامنے آتا تھا پہلے
محبت ناز انداز و بیاں میں
سلیقہ اک ہوا کرتا تھا پہلے
یہ دید حسن یہ حسن نظارا
پس چلمن ہوا کرتا تھا پہلے
دلوں میں فاصلہ اتنا نہیں تھا
دلوں سے دل ملا ہوتا تھا پہلے
بہت مہنگا ہے اب کار محبت
بہت تھوڑے میں چل جاتا تھا پہلے
گریزاں ہے جو اب سائے سے میرے
مرا سایہ ہوا کرتا تھا پہلے
ہوا وہ مہرباں پیری میں تنہاؔ
وہی بت جو جواں ہوتا تھا پہلے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
