use jo dekha to dekh kar wo laga mohabbat ka ek sitara

use jo dekhā to dekh kar vo lagā mohabbat kā ik sitārā

zamīñ se ho kar guzar rahā thā ḳhudā kī rahmat kā ik sitārā

thakī huī shab jahāñ rukī thī jahāñ Duboyā thā chāñd us ne

duā meñ shab ne girā diyā us jagah pe qismat kā ik sitārā

bahā.e hijrat meñ ashk lākhoñ magar kahāñ thī vo baat un meñ

jo baat us meñ hai jo girā hai mizha se qurbat kā ik sitārā

jo 'ishq karte haiñ āsmāñ se vo ḳhvāb maiñ ne banā liye haiñ

unheñ paroñ se navāz kar phir banāyā vahshat kā ik sitārā

sukūñ pe ye iztirāb hai ab ḳhudāyā koī to mo'jiza ho

falak se TuuTe gire mirī chhat pe us kī sohbat kā ik sitārā

savāl ham ne kiyā thā tum se kyā 'ishq jaisā tumheñ bhī kuchh hai

chamak rahā hai hamārī āñkhoñ meñ ab bhī raġhbat kā ik sitārā

sarāb afshāñ tavīl rāheñ mohabbatoñ ko bulā rahī haiñ

unheñ pata hai ki hai mohabbat meñ hī suhūlat kā ik sitārā

hinā se likhā mirī hathelī pe naam terā mahak rahā hai

shaġhl yahī hai yahī hai merī siyāh fursat kā ik sitārā

hayāt raushan sī ho ga.ī hai jo ruuh meñ tū huā hai shāmil

tire laboñ se mire laboñ ne piyā thā ruḳhsat kā ik sitārā

tumhārī mahfil meñ chāñd ban kar maiñ aa na paa.ī mu'āf karnā

sajā diyā hai tumhārī mahfil meñ maiñ ne ḳhalvat kā ik sitārā

shadīd mere fasāne jaisā nahīñ fasāna-e-ishq koī

savāb jaisā milā hai mujh ko terī 'ināyat kā ik sitārā

murād māñgī thī titliyoñ ne ḳhizāñ bhī phūloñ ko nuur baḳhshe

balā kī sāda-dilī pe TuuTā bahār-e-jannat kā ik sitārā

use jo dekha to dekh kar wo laga mohabbat ka ek sitara

zamin se ho kar guzar raha tha KHuda ki rahmat ka ek sitara

thaki hui shab jahan ruki thi jahan Duboya tha chand us ne

dua mein shab ne gira diya us jagah pe qismat ka ek sitara

bahae hijrat mein ashk lakhon magar kahan thi wo baat un mein

jo baat us mein hai jo gira hai mizha se qurbat ka ek sitara

jo 'ishq karte hain aasman se wo KHwab main ne bana liye hain

unhen paron se nawaz kar phir banaya wahshat ka ek sitara

sukun pe ye iztirab hai ab KHudaya koi to mo'jiza ho

falak se TuTe gire meri chhat pe us ki sohbat ka ek sitara

sawal hum ne kiya tha tum se kya 'ishq jaisa tumhein bhi kuchh hai

chamak raha hai hamari aankhon mein ab bhi raghbat ka ek sitara

sarab afshan tawil rahen mohabbaton ko bula rahi hain

unhen pata hai ki hai mohabbat mein hi suhulat ka ek sitara

hina se likha meri hatheli pe nam tera mahak raha hai

shaghl yahi hai yahi hai meri siyah fursat ka ek sitara

hayat raushan si ho gai hai jo ruh mein tu hua hai shamil

tere labon se mere labon ne piya tha ruKHsat ka ek sitara

tumhaari mahfil mein chand ban kar main aa na pai mu'af karna

saja diya hai tumhaari mahfil mein main ne KHalwat ka ek sitara

shadid mere fasane jaisa nahin fasana-e-ishq koi

sawab jaisa mila hai mujh ko teri 'inayat ka ek sitara

murad mangi thi titliyon ne KHizan bhi phulon ko nur baKHshe

bala ki sada-dili pe TuTa bahaar-e-jannat ka ek sitara