use KHabar bhi nahin gard-e-mah-o-sal hun main

use ḳhabar bhī nahīñ gard-e-māh-o-sāl huuñ maiñ

badan kā bojh uThāte hue nidhāl huuñ maiñ

ye merā zaḳhm ki maiñ bhī vujūd rakhtā huuñ

ḳhud apne zaḳhm kī sozish kā indimāl huuñ maiñ

guzar rahe haiñ sabhī rauñdte hue mujh ko

tirī galī meñ koī naqsh-e-pā.emāl huuñ maiñ

javāb-e-bosa ne pechīda kar diyā hai magar

tire laboñ ke liye sahl sā savāl huuñ maiñ

use KHabar bhi nahin gard-e-mah-o-sal hun main

badan ka bojh uThate hue nidhaal hun main

ye mera zaKHm ki main bhi wujud rakhta hun

KHud apne zaKHm ki sozish ka indimal hun main

guzar rahe hain sabhi raundte hue mujh ko

teri gali mein koi naqsh-e-paemal hun main

jawab-e-bosa ne pechida kar diya hai magar

tere labon ke liye sahl sa sawal hun main