wan naqab uTThi ki subh-e-hashr ka manzar khula

Yagana Changezi

wan naqab uTThi ki subh-e-hashr ka manzar khula

Yagana Changezi

MORE BYYagana Changezi

    vaañ naqāb uTThī ki sub.h-e-hashr manzar khulā

    kisī ke husn-e-ālam-tāb daftar khulā

    ġhaib se pichhle pahar aatī hai kānoñ meñ sadā

    uTTho uTTho rahmat-e-rabb-e-ulā dar khulā

    aañkh jhapkī thī tasavvur bañdh chukā thā yaar

    chauñkte hasrat-e-dīdār daftar khulā

    kū-e-jānāñ samāñ āñkhoñ ke aage phir gayā

    sub.h-e-jannat jo apne sāmne manzar khulā

    rañg badlā phir havā mai-kashoñ ke din phire

    phir chalī bād-e-sabā phir mai-kade dar khulā

    aa rahī hai saaf bū-e-sumbul-e-bāġh-e-jināñ

    gesū-e-mahbūb shāyad merī mayyat par khulā

    chār-dīvār-e-anāsir phāñd kar pahuñche kahāñ

    aaj apnā zor-e-vahshat arsh-e-āzam par khulā

    chup lagī mujh ko gunāh-e-ishq sābit ho gayā

    rañg chehre uḌā rāz-e-dil-e-muztar khulā

    ashk-e-ḳhūñ se zard chehre par hai kyā turfa bahār

    dekhiye rañg-e-junūñ kaisā mire muñh par khulā

    ḳhanjar-e-qātil se jannat havā aane lagī

    aur bahār-e-zaḳhm se firdaus manzar khulā

    nīm-jāñ chhoḌā tirī talvār ne achchhā kiyā

    eḌiyāñ bismil ne ragḌīñ sabr jauhar khulā

    sohbat-e-vā.iz meñ bhī añgḌā.iyāñ aane lagīñ

    raaz apnī mai-kashī kyā kaheñ kyūñkar khulā

    haath uljhā hai garebāñ meñ to ghabrāo na 'yās'

    beḌiyāñ kyūñkar kaTīñ zindāñ dar kyūñkar khulā

    wan naqab uTThi ki subh-e-hashr ka manzar khula

    ya kisi ke husn-e-alam-tab ka daftar khula

    ghaib se pichhle pahar aati hai kanon mein sada

    uTTho uTTho rahmat-e-rabb-e-ula ka dar khula

    aankh jhapki thi tasawwur bandh chuka tha yar ka

    chaunkte hi hasrat-e-didar ka daftar khula

    ku-e-jaanan ka saman aankhon ke aage phir gaya

    subh-e-jannat ka jo apne samne manzar khula

    rang badla phir hawa ka mai-kashon ke din phire

    phir chali baad-e-saba phir mai-kade ka dar khula

    aa rahi hai saf bu-e-sumbul-e-bagh-e-jinan

    gesu-e-mahbub shayad meri mayyat par khula

    chaar-diwar-e-anasir phand kar pahunche kahan

    aaj apna zor-e-wahshat arsh-e-azam par khula

    chup lagi mujh ko gunah-e-ishq sabit ho gaya

    rang chehre ka uDa raaz-e-dil-e-muztar khula

    ashk-e-KHun se zard chehre par hai kya turfa bahaar

    dekhiye rang-e-junun kaisa mere munh par khula

    KHanjar-e-qatil se jannat ki hawa aane lagi

    aur bahaar-e-zaKHm se firdaus ka manzar khula

    nim-jaan chhoDa teri talwar ne achchha kiya

    eDiyan bismil ne ragDin sabr ka jauhar khula

    sohbat-e-waiz mein bhi angDaiyan aane lagin

    raaz apni mai-kashi ka kya kahen kyunkar khula

    hath uljha hai gareban mein to ghabrao na 'yas'

    beDiyan kyunkar kaTin zindan ka dar kyunkar khula

    RECITATIONS

    Fasih Akmal

    Fasih Akmal,

    Fasih Akmal

    wan naqab uTThi ki subh-e-hashr ka manzar khula Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now