war par war kar raha hun main

vaar par vaar kar rahā huuñ maiñ

kuchh ziyāda hī Dar gayā huuñ maiñ

koī majbūr hī guzartā hai

aisā vīrān rāsta huuñ maiñ

uf udāsī ye merī āñkhoñ kī

kis qadar jhūTh boltā huuñ maiñ

ye to mujh par tirī nahīñ se khulā

kitnā āsān faisla huuñ maiñ

yaar sab uTh ke jā chuke lekin

apne sar se nahīñ Talā huuñ maiñ

aañkh khulne se dafn hone tak

jaane kis kis kā mas.ala huuñ maiñ

vaqt kī gahrī khaa.ī hai nīche

aur kināre hī pe khaḌā huuñ maiñ

war par war kar raha hun main

kuchh ziyaada hi Dar gaya hun main

koi majbur hi guzarta hai

aisa viran rasta hun main

uf udasi ye meri aankhon ki

kis qadar jhuTh bolta hun main

ye to mujh par teri nahin se khula

kitna aasan faisla hun main

yar sab uTh ke ja chuke lekin

apne sar se nahin Tala hun main

aankh khulne se dafn hone tak

jaane kis kis ka masala hun main

waqt ki gahri khai hai niche

aur kinare hi pe khaDa hun main