وفا کے برابر جفا چاہتا ہوں
وفا کے برابر جفا چاہتا ہوں
ترا حوصلہ دیکھنا چاہتا ہوں
ہر اک دل میں ہو انتہا کی محبت
میں اس دور کی ابتدا چاہتا ہوں
پلک کی جھپک بھی گوارا نہیں ہے
برابر تجھے دیکھنا چاہتا ہوں
ہر اک سانس زنجیر لگنے لگی ہے
میں یہ سلسلہ توڑنا چاہتا ہوں
زمانے کے غم یاد آنے لگے ہیں
ترا غم تجھے سونپنا چاہتا ہوں
کوئی بے مروت گلے مل رہا ہے
تجھے جذب دل پوجنا چاہتا ہوں
جگرؔ پھول شعلے اگلنے لگے ہیں
گلستاں کو اب چھوڑنا چاہتا ہوں
مأخذ:
Khoon-e-Jigar (Pg. 109)
- مصنف: جگر جالندھری
-
- اشاعت: 1984
- ناشر: دیپک پبلیشرز، جالندھر
- سن اشاعت: 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
