wafa ke raaz se parda nahin uThaungi

Sabeela Inam Siddiqui

wafa ke raaz se parda nahin uThaungi

Sabeela Inam Siddiqui

MORE BYSabeela Inam Siddiqui

    vafā ke raaz se parda nahīñ uThā.ūñgī

    maiñ dil ke zaḳhm tah-e-dil se chhupā.ūñgī

    agar tumhārī nigāhoñ meñ ye khaTaktā hai

    suno maiñ aaj se kājal nahīñ lagā.uñgī

    udaas dil ho to gulshan bhī aah bhartā hai

    ye sach hai rote hue dil se muskurā.ūñgī

    jo mujh pe guzrī hai ashkoñ se vo ibārat hai

    jo naqsh dil meñ hai kaise use miTā.ūñgī

    har ek baat ko sun kar jo an-sunī kar de

    use maiñ dard rūdād kyā sunā.ūñgī

    kabhī to aa.e vo ai zindagī mirā ban kar

    qasam ḳhudā maiñ rāhoñ ko bhī sajā.ūñgī

    jo mere dil sadā na sun sakā to phir

    use maiñ nauha-e-dil kis tarah sunā.ūñgī

    tumhārā saath muqaddar meñ gar nahīñ hai likhā

    to yaad ban ke maiñ dil meñ kahīñ samā.ūñgī

    jo ḳhvāb dekhe haiñ dil un se kyuuñ ulajhtā hai

    maiñ ab ye falsafa shāyad samajh na pā.ūñgī

    vo jab mile to ye us se zarūr kah denā

    vo is baras bhī na aayā to mar jā.ūñgī

    yaqīñ hai rab pe 'sabīla' vo merī sun legā

    maiñ ho ke bā-vazū hāthoñ ko jab uThā.ūñgī

    wafa ke raaz se parda nahin uThaungi

    main dil ke zaKHm tah-e-dil se hi chhupaungi

    agar tumhaari nigahon mein ye khaTakta hai

    suno main aaj se kajal nahin lagaungi

    udas dil ho to gulshan bhi aah bharta hai

    ye sach hai rote hue dil se muskuraungi

    jo mujh pe guzri hai ashkon se wo ibarat hai

    jo naqsh dil mein hai kaise use miTaungi

    har ek baat ko sun kar jo an-suni kar de

    use main dard ki rudad kya sunaungi

    kabhi to aae wo ai zindagi mera ban kar

    qasam KHuda ki main rahon ko bhi sajaungi

    jo mere dil ki sada hi na sun saka to phir

    use main nauha-e-dil kis tarah sunaungi

    tumhaara sath muqaddar mein gar nahin hai likha

    to yaad ban ke main dil mein kahin samaungi

    jo KHwab dekhe hain dil un se kyun ulajhta hai

    main ab ye falsafa shayad samajh na paungi

    wo jab mile to ye us se zarur kah dena

    wo is baras bhi na aaya to mar hi jaungi

    yaqin hai rab pe 'sabila' wo meri sun lega

    main ho ke ba-wazu hathon ko jab uThaungi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY