aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wafa-sarisht hun duri mein bhi mohabbat hai

Fatima Hasan

wafa-sarisht hun duri mein bhi mohabbat hai

Fatima Hasan

MORE BYFatima Hasan

    vafā-sarisht huuñ duurī meñ bhī mohabbat hai

    akele rahne meñ lekin baḌī aziyyat hai

    ye jāgtī hai to phir der tak jagātī hai

    mire vajūd meñ soī huī jo vahshat hai

    jahāñ pe ishq sarhad junūñ se miltī hai

    vahāñ pe aa ke mile vo agar mohabbat hai

    bahut haiñ ḳhvāb magar ḳhvāb se kyā hogā

    hamāre biich jo haa.il hai vo haqīqat hai

    vo daur aayā ki vo bhī gharoñ ko chhoḌ ga.e

    jo sochte the ki ab mustaqil sukūnat hai

    samajh rahī thī maiñ apne qayām ko manzil

    ḳhabar nahīñ thī ki aage bhī ek hijrat hai

    bahut se log diloñ meñ chhupā.e baiThe haiñ

    ye 'fātima' nahīñ hai jise shikāyat hai

    wafa-sarisht hun duri mein bhi mohabbat hai

    akele rahne mein lekin baDi aziyyat hai

    ye jagti hai to phir der tak jagati hai

    mere wajud mein soi hui jo wahshat hai

    jahan pe ishq ki sarhad junun se milti hai

    wahan pe aa ke mile wo agar mohabbat hai

    bahut hain KHwab magar KHwab hi se kya hoga

    hamare bich jo hail hai wo haqiqat hai

    wo daur aaya ki wo bhi gharon ko chhoD gae

    jo sochte the ki ab mustaqil sukunat hai

    samajh rahi thi main apne qayam ko manzil

    KHabar nahin thi ki aage bhi ek hijrat hai

    bahut se log dilon mein chhupae baiThe hain

    ye 'fatima' hi nahin hai jise shikayat hai

    Source:

    Pakistani Adab-1994 (Pg. 189)

      • Publisher: Academy Adabiyat Pakistan, Islamabad
      • Year of Publication: 1994
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now