وہی ہم ہیں وہی لاچاریاں ہیں
وہی یاروں کی دنیا داریاں ہیں
وہ سوکھی آنکھ سے رونا بلکنا
عزا داری میں بھی فن کاریاں ہیں
کہاں تک تم علاج اس کا کرو گے
کہ اس دل کو کئی بیماریاں ہیں
نصیب اپنا لکھا ہے آسماں پر
زمیں پر صرف ذمہ داریاں ہیں
صبا سرگوشیوں میں کہہ رہی ہے
یہاں سے کوچ کی تیاریاں ہیں
نہیں کچھ فرق گل رت ہو یا پت جھڑ
طبیعت کی جدا گلکاریاں ہیں
جگر پتھر کا رکھتا ہے سخنور
چٹانوں سی یہاں تہہ داریاں ہیں
متاع غم چھپائیں کیوں نہ افسرؔ
شریفوں کی یہی زر داریاں ہیں
مأخذ:
شعلۂ گل سے رنگ شفق تک (Pg. 133)
- مصنف: سعید افسر
-
- ناشر: سعید افسر
- سن اشاعت: 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
