وہی مقبول لیڈر اور ڈپلومیٹ ہوتا ہے

وہی مقبول لیڈر اور ڈپلومیٹ ہوتا ہے

جو منہ سے دس کہے تو اس کا مطلب دیٹ ہوتا ہے

عوام الناس کو ایسے دبوچا ہے گرانی نے

کہ جیسے کیٹ کے پنجے میں کوئی ریٹ ہوتا ہے

فراغت ہی نہیں ملتی بڑے صاحب کو میٹنگ سے

وہ میٹنگ جس کا ایجنڈا فقط چپ چیٹ ہوتا ہے

کرکٹر بعض اس انداز سے چھکا لگاتے ہیں

زمین پر گیند ہوتی ہے فضا میں بیٹ ہوتا ہے

یقیناً ہو گیا ہے ماڈرن اپنا گھرانا بھی

جہاں پر کیپ ہوتی تھی وہاں اب ہیٹ ہوتا ہے

یہی دیکھا ہے شاہدؔ تیسری دنیا کے ملکوں میں

کہ اکثر قوم پتلی اور لیڈر فیٹ ہوتا ہے