wahin the shaKH-e-gul par gul jahan jama

vahīñ the shāḳh-e-gul par gul jahāñ jam.a

kiye bulbul ne ḳhār-e-āshiyāñ jam.a

lagā detā hai un ko chun ke ātish

humā kar ke hamāre ustuḳhāñ jam.a

chaman meñ kis ke aane kī ḳhabar hai

kare hai phuul chun chun bāġhbāñ jam.a

hai sohbat kā pareshānoñ ke ye rañg

havā se hoveñ jo barg-e-ḳhizāñ jam.a

safar kī mujh se kyā kahte ho jaao

karūñ kyā gar huā hai kārvāñ jam.a

abhī mū-e-pareshāñ se kisī ke

mirī ḳhātir nahīñ ai dostāñ jam.a

falak ne sañg pheñkā tafraqe kā

hue do-chār sāhib-dil jahāñ jam.a

na ḳharch-e-'mus.hafī' kī pūchho us se

tavakkul kā hai māl-e-be-karāñ jam.a

wahin the shaKH-e-gul par gul jahan jama

kiye bulbul ne KHar-e-ashiyan jama

laga deta hai un ko chun ke aatish

huma kar ke hamare ustuKHan jama

chaman mein kis ke aane ki KHabar hai

kare hai phul chun chun baghban jama

hai sohbat ka pareshanon ke ye rang

hawa se howen jo barg-e-KHizan jama

safar ki mujh se kya kahte ho jao

karun kya gar hua hai karwan jama

abhi mu-e-pareshan se kisi ke

meri KHatir nahin ai dostan jama

falak ne sang phenka tafraqe ka

hue do-chaar sahib-dil jahan jama

na KHarch-e-'mushafi' ki puchho us se

tawakkul ka hai mal-e-be-karan jama