waqt-e-aKHir hamein didar dikhaya na gaya

Imdad Ali Bahr

waqt-e-aKHir hamein didar dikhaya na gaya

Imdad Ali Bahr

MORE BYImdad Ali Bahr

    vaqt-e-āḳhir hameñ dīdār dikhāyā na gayā

    ham to duniyā se ga.e aap se aayā na gayā

    rāz-poshī se kabhī haath uThāyā na gayā

    nabz dikhlā.e maraz apnā batāyā na gayā

    phuuT niklī na rukī siine andar ḳhushbū

    mushk thā dāġh-e-mohabbat ki chhupāyā na gayā

    merā dil kis ne liyā naam batā.ūñ kis

    maiñ huuñ aap haiñ ghar meñ koī aayā na gayā

    haath uThā baiThe ham is zindagī-e-shīrīñ se

    ġham judā.ī ye thā talḳh ki khāyā na gayā

    jab kiyā qasd ki ehsān kisī luuñ maiñ

    aabrū ghaTne lagī haath baḌhāyā na gayā

    aaj vo haal hai apnā jo kisī ne pūchhā

    ho ga.e qufl-e-dahan-sharm batāyā na gayā

    rañj pūchhā jo mohabbat meñ to rāhat samjhe

    dukh uThāyā kabhī dil us se uThāyā na gayā

    kuchh na pūchho lab-e-shīrīñ halāvat ham se

    ye vo halvā hai kabhī baañT ke khāyā na gayā

    haif āñkhoñ ne bhī dekhī na mirī tishna-labī

    muñh meñ paanī mizha-e-tursī chuvāyā na gayā

    nā-tavānī burā ho ham udhar ko jo chale

    tivr aa aa ga.e gir gir paḌe jaayā na gayā

    maġhz chāTā kabhī andoz-o-nasīhat vaale

    ġham hamārā kisī ġham-ḳhvār se khāyā na gayā

    dost kab dost hotā hai muḳhill-e-rāhat

    so ga.e paañv to hāthoñ se jagāyā na gayā

    kab harārā dil-e-betāb rone se miTā

    sho.ala-e-barq kabhī muñh se bujhāyā na gayā

    āmad-e-yār kyā kyā na sunī garm ḳhabar

    umr-bhar rāsta dekhā koī aayā na gayā

    jis ke juuyā hue ham DhūñDh nikālā us ko

    aql ġham hai ki mizāj aap paayā na gayā

    us ke kūche se za.īfī meñ bhī uTThe na qadam

    sar pe dhuup aa ga.ī dīvār saayā na gayā

    qat.a jab se huī ummīd-e-visāl-e-jānāñ

    is tarah baiTh gayā dil ki uThāyā na gayā

    jāgnā mirī taqdīr meñ kyā likkhā thā

    shab-e-furqat meñ ajal se bhī sulāyā na gayā

    qasd thā 'bahr' but-ḳhāne se ka.abe taraf

    lā-ubālī hai ḳhudā jaane gayā na gayā

    waqt-e-aKHir hamein didar dikhaya na gaya

    hum to duniya se gae aap se aaya na gaya

    raaz-poshi se kabhi hath uThaya na gaya

    nabz dikhlae maraz apna bataya na gaya

    phuT nikli na ruki sine ki andar KHushbu

    mushk tha dagh-e-mohabbat ki chhupaya na gaya

    mera dil kis ne liya nam bataun kis ka

    main hun ya aap hain ghar mein koi aaya na gaya

    hath uTha baiThe hum is zindagi-e-shirin se

    gham judai ka ye tha talKH ki khaya na gaya

    jab kiya qasd ki ehsan kisi ka lun main

    aabru ghaTne lagi hath baDhaya na gaya

    aaj wo haal hai apna jo kisi ne puchha

    ho gae qufl-e-dahan-sharm bataya na gaya

    ranj puchha jo mohabbat mein to rahat samjhe

    dukh uThaya kabhi dil us se uThaya na gaya

    kuchh na puchho lab-e-shirin ki halawat hum se

    ye wo halwa hai kabhi banT ke khaya na gaya

    haif aankhon ne bhi dekhi na meri tishna-labi

    munh mein pani mizha-e-tursi chuwaya na gaya

    na-tawani ka bura ho hum udhar ko jo chale

    tiwr aa aa gae gir gir paDe jaya na gaya

    maghz chaTa kabhi andoz-o-nasihat wale

    gham hamara kisi gham-KHwar se khaya na gaya

    dost kab dost ka hota hai muKHill-e-rahat

    so gae panw to hathon se jagaya na gaya

    kab harara dil-e-betab ka rone se miTa

    shoala-e-barq kabhi munh se bujhaya na gaya

    aamad-e-yar ki kya kya na suni garm KHabar

    umr-bhar rasta dekha koi aaya na gaya

    jis ke juya hue hum DhunDh nikala us ko

    aql gham hai ki mizaj aap ka paya na gaya

    us ke kuche se zaifi mein bhi uTThe na qadam

    sar pe dhup aa gai diwar ka saya na gaya

    qata jab se hui ummid-e-visal-e-jaanan

    is tarah baiTh gaya dil ki uThaya na gaya

    jagna hi meri taqdir mein kya likkha tha

    shab-e-furqat mein ajal se bhi sulaya na gaya

    qasd tha 'bahr' ka but-KHane se kabe ki taraf

    la-ubaali hai KHuda jaane gaya ya na gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY