warzish-e-ishq mein haalanki bahut tez hai wo

varzish-e-'ishq meñ hālāñki bahut tez hai vo

apnī fitrat se magar dilbar-e-añgrez hai vo

kyā ġhazal se bhī mirī raam na hogā vo ġhazāl

yuuñ agar hai to 'ajab āhū-e-ram-ḳhez hai vo

'ishq ne phir se javāñ kar diyā us ko shāyad

sin-rasīda hai magar phir bhī bahut tez hai vo

maiñ to samjhā thā havas ne kiyā banjar us ko

us se mil kar ye khulā aaj bhī zarḳhez hai vo

ai ḳhudā khol de sab rāz-e-nihānī us ke

log jāneñ to sahī kitnā shar-angez hai vo

kyā karūñ vasf bayāñ ḳhush-badanī kā us kī

shāḳh-e-gul sā hai magar kitnā sharar-bez hai vo

bas yahī soch ke sab us pe fidā haiñ 'najmī'

hai tahī-mahr to kyā husn se labrez hai vo

warzish-e-'ishq mein haalanki bahut tez hai wo

apni fitrat se magar dilbar-e-angrez hai wo

kya ghazal se bhi meri ram na hoga wo ghazal

yun agar hai to 'ajab aahu-e-ram-KHez hai wo

'ishq ne phir se jawan kar diya us ko shayad

sin-rasida hai magar phir bhi bahut tez hai wo

main to samjha tha hawas ne kiya banjar us ko

us se mil kar ye khula aaj bhi zarKHez hai wo

ai KHuda khol de sab raaz-e-nihani us ke

log jaanen to sahi kitna shar-angez hai wo

kya karun wasf bayan KHush-badani ka us ki

shaKH-e-gul sa hai magar kitna sharar-bez hai wo

bas yahi soch ke sab us pe fida hain 'najmi'

hai tahi-mahr to kya husn se labrez hai wo