vasl kī ummīd baḌhte baḌhte thak kar rah ga.ī
sub.h-e-kāzib aur kyā kartī chamak kar rah ga.ī
dil shab-e-ġham kaaT laayā dam huā lekin havā
ik kalī thī jo sahar hote mahak kar rah ga.ī
nā-shanās-e-rū-e-ḳhush-hālī hai tab-e-ġham-nasīb
jab masarrat sāmne aa.ī jhijak kar rah ga.ī
mujh ko jalne de abhī ai maut kyuuñ duniyā kahe
aag kaisī thī jo siine meñ bhaḌak kar rah ga.ī
koī kyā dekhe bahār-e-rū-e-qātil bād-e-zab.h
kyuuñ khule vo aañkh jo hasrat se tak kar rah ga.ī
mere dil ke zaḳhm aur un kī shamātat dekhiye
hañs diye kisht-e-tamannā jab lahak kar rah ga.ī
kyā tamannā thī ye betābī jise ruknā paḌā
tañg thā sehan-e-qafas bulbul phaḌak kar rah ga.ī
log kahte haiñ khulā thā raat bhar bāb-e-qubūl
kis taraf merī duā 'sāqib' bhaTak kar rah ga.ī
wasl ki ummid baDhte baDhte thak kar rah gai
subh-e-kazib aur kya karti chamak kar rah gai
dil shab-e-gham kaT laya dam hua lekin hawa
ek kali thi jo sahar hote mahak kar rah gai
na-shanas-e-ru-e-KHush-haali hai tab-e-gham-nasib
jab masarrat samne aai jhijak kar rah gai
mujh ko jalne de abhi ai maut kyun duniya kahe
aag kaisi thi jo sine mein bhaDak kar rah gai
koi kya dekhe bahaar-e-ru-e-qatil baad-e-zabh
kyun khule wo aankh jo hasrat se tak kar rah gai
mere dil ke zaKHm aur un ki shamatat dekhiye
hans diye kisht-e-tamanna jab lahak kar rah gai
kya tamanna thi ye betabi jise rukna paDa
tang tha sehan-e-qafas bulbul phaDak kar rah gai
log kahte hain khula tha raat bhar bab-e-qubul
kis taraf meri dua 'saqib' bhaTak kar rah gai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.