virane mein ek din nikal aaenge shajar bhi
vīrāne meñ ik din nikal ā.eñge shajar bhī
phir un meñ nikal ā.eñge gul aur samar bhī
kyā samjhūñ ise vaqt kī ḳhūbī ki ḳharābī
hotī hai agar shaam to hotī hai sahar bhī
huuñ maiñ vo jise chāhiye bharpūr nazāra
haiñ aur vo kaafī hai jinheñ ek nazar bhī
tū ban ke koī fikr pahuñch 'arsh pe lekin
phir ban ke koī she'r mire dil meñ utar bhī
do harfoñ kā ik lafz koī paḌh nahīñ saktā
us ne jo lagā rakkhā hai zer aur zabar bhī
ai zindagī ek aisā koī din bhī ki jis meñ
mujh ko na mile koī ḳhabar apnī ḳhabar bhī
ye merā vujūd is meñ koī jhāñk le ai kaash
maiñ ek parinda bhī huuñ aur ek shajar bhī
virane mein ek din nikal aaenge shajar bhi
phir un mein nikal aaenge gul aur samar bhi
kya samjhun ise waqt ki KHubi ki KHarabi
hoti hai agar sham to hoti hai sahar bhi
hun main wo jise chahiye bharpur nazara
hain aur wo kafi hai jinhen ek nazar bhi
tu ban ke koi fikr pahunch 'arsh pe lekin
phir ban ke koi she'r mere dil mein utar bhi
do harfon ka ek lafz koi paDh nahin sakta
us ne jo laga rakkha hai zer aur zabar bhi
ai zindagi ek aisa koi din bhi ki jis mein
mujh ko na mile koi KHabar apni KHabar bhi
ye mera wujud is mein koi jhank le ai kash
main ek parinda bhi hun aur ek shajar bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
