nil-gun naw se utre hain hum
nīl-gūñ naav se utre haiñ ham
malgajī ghaaT pe baiThe haiñ ham
raakh hotā hī nahīñ vo manzar
roz chaqmāq ragaḌte haiñ ham
zaat us kī hai kalīdī goyā
us se milte haiñ to khulte haiñ ham
aabla phūTtā hai jaise koī
bain karte hue hañste haiñ ham
dhyān ham se na haTā kūza-gar
bante bante hī bigaḌte haiñ ham
bas yahī rābta baaqī hai ab
ek hī shahr meñ rahte haiñ ham
sabz qir.at kī zarūrat hai jinheñ
haañ vahī zard navishte haiñ ham
nil-gun naw se utre hain hum
malgaji ghaT pe baiThe hain hum
rakh hota hi nahin wo manzar
roz chaqmaq ragaDte hain hum
zat us ki hai kalidi goya
us se milte hain to khulte hain hum
aabla phuTta hai jaise koi
bain karte hue hanste hain hum
dhyan hum se na haTa kuza-gar
bante bante hi bigaDte hain hum
bas yahi rabta baqi hai ab
ek hi shahr mein rahte hain hum
sabz qirat ki zarurat hai jinhen
han wahi zard nawishte hain hum
Ham Zameen Par Aasmaan Ke Phool Hain
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
