zarron ki baaton mein aane wala tha
zarroñ kī bātoñ meñ aane vaalā thā
maiñ sahrā se rabt baḌhāne vaalā thā
bārish ummīdoñ par paanī pher ga.ī
maiñ lamhoñ ko dhuup lagāne vaalā thā
phir yaad aayā duur bahut hī duur ho tum
maiñ pāgal āvāz lagāne vaalā thā
ik azalī Dar ne mujh ko mohtāt kiyā
maiñ jab seb ko haath lagāne vaalā thā
jaane kaise raat amāvas kī utrī
maiñ kāġhaz par chāñd banāne vaalā thā
ek kiran ne mujh ko vāpas khīñch liyā
maiñ bas jism se bāhar aane vaalā thā
zarron ki baaton mein aane wala tha
main sahra se rabt baDhane wala tha
barish ummidon par pani pher gai
main lamhon ko dhup lagane wala tha
phir yaad aaya dur bahut hi dur ho tum
main pagal aawaz lagane wala tha
ek azali Dar ne mujh ko mohtat kiya
main jab seb ko hath lagane wala tha
jaane kaise raat amawas ki utri
main kaghaz par chand banane wala tha
ek kiran ne mujh ko wapas khinch liya
main bas jism se bahar aane wala tha
Ham Zameen Par Aasmaan Ke Phool Hain
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
