dasht ki KHak bhi chhani hai
dasht kī ḳhaak bhī chhānī hai
ghar sī kahāñ vīrānī hai
kashtī vaale haiñ māyūs
ghuTnoñ ghuTnoñ paanī hai
aur baras ik biit gayā
kab tak ḳhaak uḌānī hai
aisī pyaas aur aisā sabr
dariyā pānī-pānī hai
raqs meñ haiñ dīvāne sab
kuchh to ḳhush-imkānī hai
qātil koī apnā thā
āñkhoñ meñ hairānī hai
ham ne chakh kar dekh liyā
duniyā khārā paanī hai
dasht ki KHak bhi chhani hai
ghar si kahan virani hai
kashti wale hain mayus
ghuTnon ghuTnon pani hai
aur baras ek bit gaya
kab tak KHak uDani hai
aisi pyas aur aisa sabr
dariya pani-pani hai
raqs mein hain diwane sab
kuchh to KHush-imkani hai
qatil koi apna tha
aankhon mein hairani hai
hum ne chakh kar dekh liya
duniya khaara pani hai
Ham Zameen Par Aasmaan Ke Phool Hain
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
