barg-rezon se rifaqat hai meri
barg-rezoñ se rifāqat hai mirī
kitnī āsān vazāhat hai mirī
kyā vahī ghar jahāñ likkhā hai 'ishq
kyā usī ghar meñ sukūnat hai mirī
harf thā aur suḳhan tak pahuñchā
qābil-e-rashk masāfat hai mirī
dasht-zādoñ ko nahīñ bhātī hai
kuchh alag tarh kī vahshat hai mirī
ek tum hī nahīñ 'aarī mujh se
in dinoñ mujh ko bhī qillat hai mirī
ab ke vo ranj bahut dukh degā
ab ke jis ranj meñ shirkat hai mirī
barg-rezon se rifaqat hai meri
kitni aasan wazahat hai meri
kya wahi ghar jahan likkha hai 'ishq
kya usi ghar mein sukunat hai meri
harf tha aur suKHan tak pahuncha
qabil-e-rashk masafat hai meri
dasht-zadon ko nahin bhati hai
kuchh alag tarh ki wahshat hai meri
ek tum hi nahin 'ari mujh se
in dinon mujh ko bhi qillat hai meri
ab ke wo ranj bahut dukh dega
ab ke jis ranj mein shirkat hai meri
Ham Zameen Par Aasmaan Ke Phool Hain
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
