وہ آئے گا دل سے دعا تو کرو
وہ آئے گا دل سے دعا تو کرو
نماز محبت ادا تو کرو
ملے گا کوئی بن کے عنوان بھی
کہانی کی تم ابتدا تو کرو
سمجھنے لگو گے نظر کی زباں
محبت سے دل آشنا تو کرو
تمہیں مار ڈالیں گی تنہائیاں
ہمیں اپنے دل سے جدا تو کرو
تمہارے کرم سے ہے یہ زندگی
میں بجھ جاؤں گا تم ہوا تو کرو
ہزاروں مناظر نگاہوں میں ہیں
رکو گے کہاں فیصلہ تو کرو
پکارے تمہیں کوچۂ آرزو
کبھی نقشؔ دل کا کہا تو کرو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
