wo apne dil ko halka kar rahe hain

vo apne dil ko halkā kar rahe haiñ

so tanhā.ī meñ girya kar rahe haiñ

tumhārī yaad ko paikar banā kar

usī ke saath jhagḌā kar rahe haiñ

yahāñ āvāz maddham paḌ rahī thī

so ḳhāmoshī se hallā kar rahe haiñ

na.ī manzil na.e raste banāo

yahāñ sab log charba kar rahe haiñ

ḳhudā kī ashraf-e-maḳhlūq the jo

yahāñ aa kar vo kyā kyā kar rahe haiñ

koī āvāz de kar chhup gayā thā

so ḳhāmoshī kā pīchhā kar rahe haiñ

wo apne dil ko halka kar rahe hain

so tanhai mein girya kar rahe hain

tumhaari yaad ko paikar bana kar

usi ke sath jhagDa kar rahe hain

yahan aawaz maddham paD rahi thi

so KHamoshi se halla kar rahe hain

nai manzil nae raste banao

yahan sab log charba kar rahe hain

KHuda ki ashraf-e-maKHluq the jo

yahan aa kar wo kya kya kar rahe hain

koi aawaz de kar chhup gaya tha

so KHamoshi ka pichha kar rahe hain