wo ba-zahir ayan nahin hota

vo ba-zāhir ayaañ nahīñ hotā

phir bhī sab se nihāñ nahīñ hotā

vo agar mehrbāñ nahīñ hotā

ye mukammal jahāñ nahīñ hotā

is hunar se vo zaḳhm dete haiñ

jin kā koī nishāñ nahīñ hotā

ḳhud se kartā huuñ zikr maazī kā

jab koī ham-zabāñ nahīñ hotā

phir se degā koī sadā mujh ko

ab to ye bhī gumāñ nahīñ hotā

hai yaqīnan koī kamī apnī

varna vo bad-gumāñ nahīñ hotā

darmiyāñ thī koī anā varna

maiñ yahāñ vo vahāñ nahīñ hotā

āzmā.ish hamārī barsoñ se

is tarah imtihāñ nahīñ hotā

jin ke zehnoñ meñ be-niyāzī ho

un kā koī jahāñ nahīñ hotā

wo ba-zahir ayan nahin hota

phir bhi sab se nihan nahin hota

wo agar mehrban nahin hota

ye mukammal jahan nahin hota

is hunar se wo zaKHm dete hain

jin ka koi nishan nahin hota

KHud se karta hun zikr mazi ka

jab koi ham-zaban nahin hota

phir se dega koi sada mujh ko

ab to ye bhi guman nahin hota

hai yaqinan koi kami apni

warna wo bad-guman nahin hota

darmiyan thi koi ana warna

main yahan wo wahan nahin hota

aazmaish hamari barson se

is tarah imtihan nahin hota

jin ke zehnon mein be-niyazi ho

un ka koi jahan nahin hota