wo buDha ek KHwab hai aur ek KHwab mein aata rahta hai

Zulfiqar Aadil

wo buDha ek KHwab hai aur ek KHwab mein aata rahta hai

Zulfiqar Aadil

MORE BYZulfiqar Aadil

    vo būḌhā ik ḳhvāb hai aur ik ḳhvāb meñ aatā rahtā hai

    is ke sar par an-dekhā panchhī mañDlātā rahtā hai

    nāTak ke kirdāroñ meñ kuchh sachche haiñ kuchh jhūTe haiñ

    parde ke pīchhe koī un ko samjhātā rahtā hai

    bastī meñ jab chāk-garebāñ girya karte phirte haiñ

    is mausam meñ ek rafū-gar hañstā gaatā rahtā hai

    har kirdār ke pīchhe pīchhe chal detā hai qissa-go

    yūñhī baiThe baiThe apnā kaam baḌhātā rahtā hai

    is din bhī jab bastī meñ talvāreñ kam paḌ jaatī haiñ

    ek mudabbir āhan-gar zanjīr banātā rahtā hai

    āvāzoñ bhiiḌ meñ ik ḳhāmosh musāfir dhīre se

    nā-mānūs dhunoñ meñ koī saaz bajātā rahtā hai

    dekhne vaalī āñkheñ haiñ aur dekh nahīñ pātīñ kuchh bhī

    is manzar meñ jaane kyā kuchh aatā jaatā rahtā hai

    is dariyā tah meñ 'ādil' ek purānī kashtī hai

    ik girdāb musalsal us bojh baḌhātā rahtā hai

    wo buDha ek KHwab hai aur ek KHwab mein aata rahta hai

    is ke sar par an-dekha panchhi manDlata rahta hai

    naTak ke kirdaron mein kuchh sachche hain kuchh jhuTe hain

    parde ke pichhe koi un ko samjhata rahta hai

    basti mein jab chaak-gareban girya karte phirte hain

    is mausam mein ek rafu-gar hansta gata rahta hai

    har kirdar ke pichhe pichhe chal deta hai qissa-go

    yunhi baiThe baiThe apna kaam baDhata rahta hai

    is din bhi jab basti mein talwaren kam paD jati hain

    ek mudabbir aahan-gar zanjir banata rahta hai

    aawazon ki bhiD mein ek KHamosh musafir dhire se

    na-manus dhunon mein koi saz bajata rahta hai

    dekhne wali aankhen hain aur dekh nahin patin kuchh bhi

    is manzar mein jaane kya kuchh aata jata rahta hai

    is dariya ki tah mein 'adil' ek purani kashti hai

    ek girdab musalsal us ka bojh baDhata rahta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY