wo dekh aa raha hai buDhapa qaza ke sath
wo dekh aa raha hai buDhapa qaza ke sath
Sham Lal Roshan Dehlvi
MORE BYSham Lal Roshan Dehlvi
vo dekh aa rahā hai buḌhāpā qazā ke saath
ye dekh jā rahī hai javānī havā ke saath
pīr-e-muġhāñ ke marte hī bhaTTī ujaḌ ga.ī
kashtī-e-mai bhī Duub ga.ī nāḳhudā ke saath
dete haiñ ham banāspatī ghī se āhutī
kaisā huā ye khel hai parmātmā ke saath
saaqī bhī monsōn ke daftar meñ hai clerk
botal bhī ab to aaya karegī ghaTā ke saath
hamdardiyoñ ke saath haiñ ye pesh-bandiyāñ
laa.e haiñ vo kafan bhī hamārī davā ke saath
beTe-bahū kā ghūmnā kis muñh se Tokiye
ab to chachī bhī ghuum rahī haiñ chachā ke saath
tū bad-nasīb 'ishq meñ piTne se Dar gayā
'raushan' ko dekh ho hī liyā piT-piTā ke saath
wo dekh aa raha hai buDhapa qaza ke sath
ye dekh ja rahi hai jawani hawa ke sath
pir-e-mughan ke marte hi bhaTTi ujaD gai
kashti-e-mai bhi Dub gai naKHuda ke sath
dete hain hum banaspati ghi se aahuti
kaisa hua ye khel hai parmatma ke sath
saqi bhi monsoon ke daftar mein hai clerk
botal bhi ab to aaya karegi ghaTa ke sath
hamdardiyon ke sath hain ye pesh-bandiyan
lae hain wo kafan bhi hamari dawa ke sath
beTe-bahu ka ghumna kis munh se Tokiye
ab to chachi bhi ghum rahi hain chacha ke sath
tu bad-nasib 'ishq mein piTne se Dar gaya
'raushan' ko dekh ho hi liya piT-piTa ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
