وہ فراق اور وہ وصال کہاں

مرزا غالب

وہ فراق اور وہ وصال کہاں

مرزا غالب

MORE BYمرزا غالب

    وہ فراق اور وہ وصال کہاں

    وہ شب و روز و ماہ و سال کہاں

    فرصت کاروبار شوق کسے

    ذوق نظارۂ جمال کہاں

    دل تو دل وہ دماغ بھی نہ رہا

    شور سودائے خط و خال کہاں

    تھی وہ اک شخص کے تصور سے

    اب وہ رعنائی خیال کہاں

    ایسا آساں نہیں لہو رونا

    دل میں طاقت جگر میں حال کہاں

    ہم سے چھوٹا قمار خانۂ عشق

    واں جو جاویں گرہ میں مال کہاں

    فکر دنیا میں سر کھپاتا ہوں

    میں کہاں اور یہ وبال کہاں

    مضمحل ہو گئے قویٰ غالب

    وہ عناصر میں اعتدال کہاں

    بوسہ میں وہ مضائقہ نہ کرے

    پر مجھے طاقت سوال کہاں

    فلک سفلہ بے محابا ہے

    اس ستمگر کو انفعال کہاں

    ویڈیو
    This video is playing from YouTube

    Videos
    This video is playing from YouTube

    جگجیت سنگھ

    جگجیت سنگھ

    مہران امروہی

    مہران امروہی

    مأخذ :
    • کتاب : Deewan-e-Ghalib Jadeed (Al-Maroof Ba Nuskha-e-Hameedia) (Pg. 255)
    • کتاب : Ghair Mutdavil Kalam-e-Ghalib (Pg. 77)
    • Author : Jamal Abdul Wahid
    • مطبع : Ghalib Academy Basti Hazrat Nizamuddin,New Delhi-13 (2016)
    • اشاعت : 2016

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY