وہ ہنسنا یاد آتا ہے وہ رونا یاد آتا ہے
وہ ہنسنا یاد آتا ہے وہ رونا یاد آتا ہے
تجھے اے زندگی پا کر وہ کھونا یاد آتا ہے
وہ شب بھر جاگنا چاہت میں اک گلزار لمحے کی
وہ تیری گود میں سر رکھ کے سونا یاد آتا ہے
ترے دل کی زمیں پر گل کھلانا اپنی الفت کے
ترے آنکھوں میں اپنے خواب بونا یاد آتا ہے
وہ خلوت میں بھی تیرا چوڑیوں سے کھیلتے رہنا
مرے ہم راہ ہو کر بھی نہ ہونا یاد آتا ہے
مجھے تو یاد ہیں اب تک تمہاری سرمگیں آنکھیں
تمہیں بھی کیا وہ اک لڑکا سلونا یاد آتا ہے
کہاں ہم بھول پائے ہیں تری بانہوں کا وہ تکیہ
وہ تیرے مخملیں تن کا بچھونا یاد آتا ہے
مجھے مسحور رکھنے کو ترا کیا کیا جتن کرنا
وہ جادو یاد آتا ہے وہ ٹونا یاد آتا ہے
انہیں ہاتھوں تجھے پھر سونپ دینا غیر کے ہاتھوں
سفینہ اپنی چاہت کا ڈبونا یاد آتا ہے
مہک اپنی ملاقاتوں کی ہے جن میں بسی اب تک
تمہارے گھر کا وہ اک ایک کونا یاد آتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
