wo jaanta hai uski dalilon mein dam nahin

vo jāntā hai us kī dalīloñ meñ dam nahīñ

phir bhī mubāhisoñ kā use shauq kam nahīñ

pūchho zarā ye kaun sī duniyā se aa.e haiñ

kuchh log kah rahe haiñ hameñ koī ġham nahīñ

kis kis ke ehtirām meñ sar ko jhukā.ūñ maiñ

mere alāva kaun yahāñ mohtaram nahīñ

miltā hai jin se rāh-navardoñ ko hausla

mere liye vo log bhī manzil se kam nahīñ

ham kārobār-e-dil ko kaheñ kis tarah ġhalat

hoñge bahut se log ḳhasāre meñ ham nahīñ

wo jaanta hai us ki dalilon mein dam nahin

phir bhi mubahison ka use shauq kam nahin

puchho zara ye kaun si duniya se aae hain

kuchh log kah rahe hain hamein koi gham nahin

kis kis ke ehtiram mein sar ko jhukaun main

mere alawa kaun yahan mohtaram nahin

milta hai jin se rah-nawardon ko hausla

mere liye wo log bhi manzil se kam nahin

hum karobar-e-dil ko kahen kis tarah ghalat

honge bahut se log KHasare mein hum nahin