wo jahan hain wahin KHayal mera

Swapnil Tiwari

wo jahan hain wahin KHayal mera

Swapnil Tiwari

MORE BYSwapnil Tiwari

    vo jahāñ haiñ vahīñ ḳhayāl mirā

    mustaqil ho gayā visāl mirā

    pyaar se dekhā phir mujhe us ne

    phir se ohda huā bahāl mirā

    vo jo pāgal thā ab vo kaisā hai

    aaise vo pūchhtā hai haal mirā

    apnī yādoñ raushnī kam kar

    is ne sonā kiyā muhāl mirā

    maiñ ā.ūñgā apne raste meñ

    mere bhītar se Dar nikāl mirā

    saath mere ghasiTtā hai pal pal

    thak ke saaya huā niDhāl mirā

    is amāvas meñ phir se tanhā huuñ

    chāñd hai gar sharīk-e-hāl mirā

    TūTnā hai javāb meñ tum ko

    aaj kuchh saḳht hai savāl mirā

    taaki rah sake ḳhudā mujh meñ

    mujh se aaseb ab nikāl mirā

    aayā pal bhar ko sar pe saaya phir

    dhuup ko aa gayā ḳhayāl mirā

    mujhe aazmā na aur 'ātish'

    terā jalnā bhī hai kamāl mirā

    wo jahan hain wahin KHayal mera

    mustaqil ho gaya visal mera

    pyar se dekha phir mujhe us ne

    phir se ohda hua bahaal mera

    wo jo pagal tha ab wo kaisa hai

    aaise wo puchhta hai haal mera

    apni yaadon ki raushni kam kar

    is ne sona kiya muhaal mera

    main hi aaunga apne raste mein

    mere bhitar se Dar nikal mera

    sath mere ghasiTta hai pal pal

    thak ke saya hua niDhaal mera

    is amawas mein phir se tanha hun

    chand hai gar sharik-e-haal mera

    TuTna hai jawab mein tum ko

    aaj kuchh saKHt hai sawal mera

    taki tu rah sake KHuda mujh mein

    mujh se aaseb ab nikal mera

    aaya pal bhar ko sar pe saya phir

    dhup ko aa gaya KHayal mera

    tu mujhe aazma na aur 'atish'

    tera jalna bhi hai kamal mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY