wo jin ka tan badan dhani bahut hai

vo jin kā tan badan dhānī bahut hai

diloñ meñ un ke vīrānī bahut hai

libās-e-nau-ba-nau hāsil haiñ jin ko

unhīñ ke tan pe 'uryānī bahut hai

maiñ ik muddat se yuuñ hī jal rahā huuñ

mire chāroñ taraf paanī bahut hai

taqāzā un se kyā karte vafā kā

ki dil apnā bhī sailānī bahut hai

na barkhā hai na koī band TuuTā

nadī meñ phir bhī tuġhyānī bahut hai

ḳhudā jaane ki man us kā hai kaisā

badan to us kā nūrānī bahut hai

jise dekhā thā kal aaj us se mil kar

na jaane kyoñ pashemānī bahut hai

nigāhoñ meñ basīrat ho to 'najmī'

añdheroñ meñ bhī tābānī bahut hai

wo jin ka tan badan dhani bahut hai

dilon mein un ke virani bahut hai

libas-e-nau-ba-nau hasil hain jin ko

unhin ke tan pe 'uryani bahut hai

main ek muddat se yun hi jal raha hun

mere chaaron taraf pani bahut hai

taqaza un se kya karte wafa ka

ki dil apna bhi sailani bahut hai

na barkha hai na koi band TuTa

nadi mein phir bhi tughyani bahut hai

KHuda jaane ki man us ka hai kaisa

badan to us ka nurani bahut hai

jise dekha tha kal aaj us se mil kar

na jaane kyon pashemani bahut hai

nigahon mein basirat ho to 'najmi'

andheron mein bhi tabani bahut hai