wo jis ne Dhaal diya barf ko sharare mein

Khurshid Talab

wo jis ne Dhaal diya barf ko sharare mein

Khurshid Talab

MORE BYKhurshid Talab

    vo jis ne Dhaal diyā barf ko sharāre meñ

    maiñ kab se soch rahā huuñ usī ke baare meñ

    na jaane niiñd se kab ghar ke log jāgeñge

    ki ab to dhuup chalī aa.ī hai osāre meñ

    maiñ jaag jaag ke shab bhar use talāshtā huuñ

    likhā huā hai mirā naam ik sitāre meñ

    khilegī dhuup to vaadī rañg nikhregā

    abhī to os ik dhund hai nazāre meñ

    kabhī dimāġh ko ḳhātir meñ ham ne laayā nahīñ

    ham ahl-e-dil the hamesha rahe ḳhasāre meñ

    'talab' ye soch ke lag jaa.e na zabān meñ zañg

    kisī se baat maiñ kartā nahīñ ishāre meñ

    wo jis ne Dhaal diya barf ko sharare mein

    main kab se soch raha hun usi ke bare mein

    na jaane nind se kab ghar ke log jagenge

    ki ab to dhup chali aai hai osare mein

    main jag jag ke shab bhar use talashta hun

    likha hua hai mera nam ek sitare mein

    khilegi dhup to wadi ka rang nikhrega

    abhi to os ki ek dhund hai nazare mein

    kabhi dimagh ko KHatir mein hum ne laya nahin

    hum ahl-e-dil the hamesha rahe KHasare mein

    'talab' ye soch ke lag jae na zaban mein zang

    kisi se baat main karta nahin ishaare mein

    Source :
    • Book : Ghazal Ke Rang (Pg. 147)
    • Author : Akram Naqqash, Sohil Akhtar
    • Publication : Aflaak Publications, Gulbarga (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now