wo kabhi aag se lagte hain kabhi pani se
vo kabhī aag se lagte haiñ kabhī paanī se
aaj tak dekh rahā huuñ unheñ hairānī se
aa hī miltā hai sirā raat ke sannāTe kā
sub.h ke vaqt parindoñ kī ġhazal-ḳhvānī se
log ġhāsib nahīñ haqdār samajhte haiñ mujhe
be-gharī laakh ġhanīmat hai jahāñ-bānī se
aadmī ban ke mirā ādamiyoñ meñ rahnā
ek alag vaz' hai darveshī o sultānī se
tark kartā huuñ to qatra bhī nahīñ chakhtā huuñ
aur piitā huuñ to piitā huuñ farāvānī se
sirf allāh kā kyā zikr butoñ ko bhī 'sha'ūr'
ham ne chāhā hai baḌe jazba-e-īmānī se
wo kabhi aag se lagte hain kabhi pani se
aaj tak dekh raha hun unhen hairani se
aa hi milta hai sira raat ke sannaTe ka
subh ke waqt parindon ki ghazal-KHwani se
log ghasib nahin haqdar samajhte hain mujhe
be-ghari lakh ghanimat hai jahan-bani se
aadmi ban ke mera aadamiyon mein rahna
ek alag waz' hai darweshi o sultani se
tark karta hun to qatra bhi nahin chakhta hun
aur pita hun to pita hun farawani se
sirf allah ka kya zikr buton ko bhi 'sha'ur'
hum ne chaha hai baDe jazba-e-imani se
- Book : Ab Main Aksar Main Nahi Rehta (Pg. 88)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
