wo kah rahe hain jo humse KHuda ki hamd likhen

vo kah rahe haiñ jo ham se ḳhudā kī hamd likheñ

batā.eñ kaun se kis ke ḳhudā kī hamd likheñ

bahut se laḌte-jhagaḌte hue ḳhudāoñ kī hamd

ki sab se duur akele ḳhudā kī hamd likheñ

jo āsmān pe rah kar zamīñ pe hukm chalā.e

na hogā ham se ki aise ḳhudā kī hamd likheñ

ḳhudā vo hai jo maze de hameñ mohabbat ke

vo ho to aise maze ke ḳhudā kī hamd likheñ

ḳhudā vo hai jo nashe meñ hamesha dhut rakkhe

mile to aise nashīle ḳhudā kī hamd likheñ

ḳhudā vo hai jo banā ho hamārī miTTī se

to aise ḳhaak ke putle ḳhudā kī hamd likheñ

ḳhudā vo hai jo lagā ho hamāre pahlū se

to jism-e-yār ke jaise ḳhudā kī hamd likheñ

hameñ dilāo ḳhudā koī jism-o-jāñ vaalā

ki jism-o-jān lagā ke ḳhudā kī hamd likheñ

ye gosht-post kā mā’shūq hai to phir 'ehsās'

ġhazab ki ruuh ke maare ḳhudā kī hamd likheñ

wo kah rahe hain jo hum se KHuda ki hamd likhen

bataen kaun se kis ke KHuda ki hamd likhen

bahut se laDte-jhagaDte hue KHudaon ki hamd

ki sab se dur akele KHuda ki hamd likhen

jo aasman pe rah kar zamin pe hukm chalae

na hoga hum se ki aise KHuda ki hamd likhen

KHuda wo hai jo maze de hamein mohabbat ke

wo ho to aise maze ke KHuda ki hamd likhen

KHuda wo hai jo nashe mein hamesha dhut rakkhe

mile to aise nashile KHuda ki hamd likhen

KHuda wo hai jo bana ho hamari miTTi se

to aise KHak ke putle KHuda ki hamd likhen

KHuda wo hai jo laga ho hamare pahlu se

to jism-e-yar ke jaise KHuda ki hamd likhen

hamein dilao KHuda koi jism-o-jaan wala

ki jism-o-jaan laga ke KHuda ki hamd likhen

ye gosht-post ka ma’shuq hai to phir 'ehsas'

ghazab ki ruh ke mare KHuda ki hamd likhen