wo kahan sath sulate hain mujhe

Momin Khan Momin

wo kahan sath sulate hain mujhe

Momin Khan Momin

MORE BYMomin Khan Momin

    vo kahāñ saath sulāte haiñ mujhe

    ḳhvāb kyā kyā nazar aate haiñ mujhe

    us parī-vash se lagāte haiñ mujhe

    log dīvāna banāte haiñ mujhe

    rab un bhī janāza uTThe

    yaar us se uThāte haiñ mujhe

    abru-e-teġh se iimā hai ki aa

    qatl karne ko bulāte haiñ mujhe

    bevafā.ī adū hai gila

    lutf meñ bhī vo satāte haiñ mujhe

    hairat-e-husn se ye shakl banī

    ki vo ā.īna dikhāte haiñ mujhe

    phūñk de ātish-e-dil daaġh mire

    us ḳhū yaad dilāte haiñ mujhe

    gar kahe ġhamza kise qatl karūñ

    to ishārat se batāte haiñ mujhe

    maiñ to us zulf par ġhash huuñ

    chārāgar mushk suñghāte haiñ mujhe

    sho.ala-rū kahte haiñ aġhyār ko vo

    apne nazdīk jalāte haiñ mujhe

    jaañ ga.ī par na ga.ī jaur-kashī

    ba.ad-e-murdan bhī dabāte haiñ mujhe

    vo jo kahte haiñ tujhe aag lage

    muzhda-e-vasl sunāte haiñ mujhe

    ab ye sūrat hai ki ai parda-nashīñ

    tujh se ahbāb chhupāte haiñ mujhe

    'momin' aur dair ḳhudā ḳhair kare

    taur beDhab nazar aate haiñ mujhe

    wo kahan sath sulate hain mujhe

    KHwab kya kya nazar aate hain mujhe

    us pari-wash se lagate hain mujhe

    log diwana banate hain mujhe

    ya rab un ka bhi janaza uTThe

    yar us ku se uThate hain mujhe

    abru-e-tegh se ima hai ki aa

    qatl karne ko bulate hain mujhe

    bewafai ka adu ki hai gila

    lutf mein bhi wo satate hain mujhe

    hairat-e-husn se ye shakl bani

    ki wo aaina dikhate hain mujhe

    phunk de aatish-e-dil dagh mere

    us ki KHu yaad dilate hain mujhe

    gar kahe ghamza kise qatl karun

    to ishaarat se batate hain mujhe

    main to us zulf ki bu par ghash hun

    chaaragar mushk sunghate hain mujhe

    shoala-ru kahte hain aghyar ko wo

    apne nazdik jalate hain mujhe

    jaan gai par na gai jaur-kashi

    baad-e-murdan bhi dabaate hain mujhe

    wo jo kahte hain tujhe aag lage

    muzhda-e-wasl sunate hain mujhe

    ab ye surat hai ki ai parda-nashin

    tujh se ahbab chhupate hain mujhe

    'momin' aur dair KHuda KHair kare

    taur beDhab nazar aate hain mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY