wo kam-suKHan na tha par baat soch kar karta

Taimur Hasan

wo kam-suKHan na tha par baat soch kar karta

Taimur Hasan

MORE BYTaimur Hasan

    vo kam-suḳhan na thā par baat soch kar kartā

    yahī salīqa use sab meñ mo'tabar kartā

    na jaane kitnī ġhalat-fahmiyāñ janam letīñ

    maiñ asl baat se pahlū-tahī agar kartā

    maiñ sochtā huuñ kahāñ baat is qadar baḌhtī

    agar maiñ tere ravayye se dar-guzar kartā

    mirā adū to thā ilm-ul-kalām māhir

    mire ḳhilāf zamāne ko bol kar kartā

    akele jañg laḌī jiit to sab ne kahā

    pahuñchte ham bhī agar hameñ ḳhabar kartā

    mirī bhī chhāñv na hotī agar tumhārī tarah

    maiñ inhisār buzurgoñ ke saa.e par kartā

    safar meñ hotī hai pahchān kaun kaisā hai

    ye aarzū thī mire saath safar kartā

    ga.e dinoñ meñ ye ma.amūl thā mirā 'taimūr'

    ziyāda vaqt maiñ ik ḳhvāb meñ basar kartā

    wo kam-suKHan na tha par baat soch kar karta

    yahi saliqa use sab mein mo'tabar karta

    na jaane kitni ghalat-fahmiyan janam letin

    main asl baat se pahlu-tahi agar karta

    main sochta hun kahan baat is qadar baDhti

    agar main tere rawayye se dar-guzar karta

    mera adu to tha ilm-ul-kalam ka mahir

    mere KHilaf zamane ko bol kar karta

    akele jang laDi jit li to sab ne kaha

    pahunchte hum bhi agar tu hamein KHabar karta

    meri bhi chhanw na hoti agar tumhaari tarah

    main inhisar buzurgon ke sae par karta

    safar mein hoti hai pahchan kaun kaisa hai

    ye aarzu thi mere sath tu safar karta

    gae dinon mein ye mamul tha mera 'taimur'

    ziyaada waqt main ek KHwab mein basar karta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY