وہ کسی پر جفا نہیں کرتے
وہ کسی پر جفا نہیں کرتے
اعتبار وفا نہیں کرتے
ایک ہم سے خفا ہے خلق خدا
لوگ دنیا میں کیا نہیں کرتے
اے نصیحت گرو خدا کے لئے
یوں نصیحت کیا نہیں کرتے
سر نہ کھاؤ کہ عشق لالہ رخاں
ہم نے کہہ جو دیا نہیں کرتے
سخت مشکل ہے دلبری دیکھیں
آپ کرتے ہیں یا نہیں کرتے
غم جاناں ہو یا غم دوراں
تیر ان کے خطا نہیں کرتے
مر بھی جائیں تو ہم سر محفل
ساقیا ساقیا نہیں کرتے
اے عزیزو تمہاری شرط نہیں
ہم تو اپنا کہا نہیں کرتے
دوست ہیں بے وفا مگر عابدؔ
منہ سے ایسا کہا نہیں کرتے
مأخذ:
میں کبھی غزل نہ کہتا (Pg. 139)
- مصنف: سید عابد علی عابد
-
- ناشر: نیاز احمد
- سن اشاعت: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.