wo le ke dil ko ye sochi kahin jigar bhi hai
vo le ke dil ko ye sochī kahīñ jigar bhī hai
nazar TaTol rahī hai ki kuchh idhar bhī hai
hañso na khol ke zulfeñ balā-nasīboñ par
balā-nasīb jahāñ meñ tumhārā sar bhī hai
vo bigḌe sun ke magar sun to lī hamārī aah
ye be-asar hī nahīñ balki bā-asar bhī hai
junūn ko vo banāvaT samajh rahā hai abhī
ye sun liyā hai kisī se ki mere ghar bhī hai
firāq meñ ye nayā tajraba huā mujh ko
ki ek raat zamāne meñ be-sahar bhī hai
ye kah ke hashr se bhāgā maiñ apnā jī le kar
ilāhī ḳhair yahāñ to vo fitna-gar bhī hai
mujhe to aap meñ is vaqt tum nahīñ milte
kahāñ ho 'shauq' kuchh apnī tumheñ ḳhabar bhī hai
wo le ke dil ko ye sochi kahin jigar bhi hai
nazar TaTol rahi hai ki kuchh idhar bhi hai
hanso na khol ke zulfen bala-nasibon par
bala-nasib jahan mein tumhaara sar bhi hai
wo bigDe sun ke magar sun to li hamari aah
ye be-asar hi nahin balki ba-asar bhi hai
junun ko wo banawaT samajh raha hai abhi
ye sun liya hai kisi se ki mere ghar bhi hai
firaq mein ye naya tajraba hua mujh ko
ki ek raat zamane mein be-sahar bhi hai
ye kah ke hashr se bhaga main apna ji le kar
ilahi KHair yahan to wo fitna-gar bhi hai
mujhe to aap mein is waqt tum nahin milte
kahan ho 'shauq' kuchh apni tumhein KHabar bhi hai
Source:
Faizaan-e-shauq (Pg. B-163 E-193)
- Author: Shauq Qidvai
-
- Edition: 1928
- Publisher: Maqboolul Matabe, Gonda
- Year of Publication: 1928
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
