وہ مسیحا قبر پر آتا رہا
وہ مسیحا قبر پر آتا رہا
میں موے پر روز جی جاتا رہا
زندگی کی ہم نے مر مر کے بصر
وہ بت ترسا جو ترساتا رہا
واہ بخت نارسا دیکھا تجھے
نامہ بر سے خط کہیں جاتا رہا
راہ تکتے تکتے آخر جاں گئی
وہ تغافل کیش بس آتا رہا
دل تو دینے کو دیا پر ہم نشیں
ہاتھ میں مل مل کے پچھتاتا رہا
دیکھ اس کو ہو گیا میں بے خبر
دل یکایک ہاتھ سے جاتا رہا
کیا کہوں کس طرح فرقت میں جیا
خون دل پیتا تو غم کھاتا رہا
رات بھر اوس برق وش کی یاد میں
سیل اشک آنکھوں سے برساتا رہا
ڈھونڈھتا پھرتا ہوں اس کو جا بہ جا
دل خدا جانے کدھر جاتا رہا
اس مسیحا کی امید وصل میں
شام جیتا صبح مر جاتا رہا
عشق کا رعناؔ مرض ہے لا دوا
کب سنا تو نے کہ وہ جاتا رہا
مأخذ:
kulliyat-e-nizam (Pg. 4)
- مصنف: مردان علی خاں رانا
-
- اشاعت: 1875
- ناشر: منشی نول کشور، لکھنؤ
- سن اشاعت: 1875
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
