wo mera ho ke bhi mera nahin hai

vo merā ho ke bhī merā nahīñ hai

kabhī jis ke sivā sochā nahīñ hai

khilaunoñ se bahal jaa.e ye kaise

mirā dil hai koī bachcha nahīñ hai

hai kaasa diid kā muddat se ḳhālī

saḳhī koī yahāñ aayā nahīñ hai

udāsī kā har ik lab par hai pahra

yahāñ par kyā koī hañstā nahīñ hai

sunā hai car bhī uḌne lagī hai

parinda man kā kyoñ uḌtā nahīñ hai

hamāre zabt kī had ho ga.ī kyā

ab aañsū aañkh meñ ruktā nahīñ hai

badal jaatī hai fitrat bhī yahāñ par

jale jab dil dhuāñ uThtā nahīñ hai

vahāñ par kyā 'ḳhizar' dil kā lagānā

jahāñ koī sadā Thahrā nahīñ hai

wo mera ho ke bhi mera nahin hai

kabhi jis ke siwa socha nahin hai

khilaunon se bahal jae ye kaise

mera dil hai koi bachcha nahin hai

hai kasa did ka muddat se KHali

saKHi koi yahan aaya nahin hai

udasi ka har ek lab par hai pahra

yahan par kya koi hansta nahin hai

suna hai car bhi uDne lagi hai

parinda man ka kyon uDta nahin hai

hamare zabt ki had ho gai kya

ab aansu aankh mein rukta nahin hai

badal jati hai fitrat bhi yahan par

jale jab dil dhuan uThta nahin hai

wahan par kya 'KHizar' dil ka lagana

jahan koi sada Thahra nahin hai