wo mere qalb ko chhedega kab guman mein tha

vo mere qalb ko chhedegā kab gumān meñ thā

jo ek tiir mire dost kī kamān meñ thā

vo zer-e-sāya-e-altāf-e-bāġhbān meñ thā

jo āshiyāna zad-e-barq-e-be-amān meñ thā

figār lai se huā merī sīna-e-nai bhī

nafas nafas tirī chāhat kā imtihān meñ thā

ye mo.ajaza thā yaqīnan tirī mohabbat kā

jo auj-e-fikr-o-taḳhayyul mire bayān meñ thā

vo jis ne dhuup kī parchhā.īñ tak nahīñ daabī

use samajhte ho har lamha sā.ebān meñ thā

muḳhālifoñ ko bhī apnā banā liyā tū ne

ajiib tarah kā jaadū tirī zabān meñ thā

niyāz-e-ishq ne āḳhir uThā diyā 'ātish'

vo ek parda sā haa.el jo darmiyān meñ thā

wo mere qalb ko chhedega kab guman mein tha

jo ek tir mere dost ki kaman mein tha

wo zer-e-saya-e-altaf-e-baghban mein tha

jo aashiyana zad-e-barq-e-be-aman mein tha

figar lai se hua meri sina-e-nai bhi

nafas nafas teri chahat ka imtihan mein tha

ye moajaza tha yaqinan teri mohabbat ka

jo auj-e-fikr-o-taKHayyul mere bayan mein tha

wo jis ne dhup ki parchhain tak nahin dabi

use samajhte ho har lamha saeban mein tha

muKHalifon ko bhi apna bana liya tu ne

ajib tarah ka jadu teri zaban mein tha

niyaz-e-ishq ne aaKHir uTha diya 'atish'

wo ek parda sa hael jo darmiyan mein tha