wo nahin jaanta hai jab kuchh bhi

Athar Nadir

wo nahin jaanta hai jab kuchh bhi

Athar Nadir

MORE BYAthar Nadir

    vo nahīñ jāntā hai jab kuchh bhī

    us se kahnā hai be-sabab kuchh bhī

    kaun apnā hai kaun begāna

    ham ko ma.alūm hai ye sab kuchh bhī

    be-ġharaz ho ke sab se milte haiñ

    ham ki rakhte haiñ be-talab kuchh bhī

    jab bhī miltā hai muskurātā hai

    ḳhvāh us ho ab sabab kuchh bhī

    ham bhī mil kar bichhaḌ ga.e us se

    baat aisī nahīñ ajab kuchh bhī

    aadmī amal se rishta hai

    kaam aatā nahīñ nasab kuchh bhī

    laakh zulmat bol-bālā ho

    do-ghaḌī meñ na hogī shab kuchh bhī

    aisā duniyā se ulajhtā hai

    nahīñ duniyā meñ jaise ab kuchh bhī

    log qismat pe chhoḌ dete haiñ

    baat bantī nahīñ hai jab kuchh bhī

    jo nahīñ chāhte the ham kahnā

    us se kahnā paḌā vo sab kuchh bhī

    zehn maflūj ho gayā shāyad

    yaad rahtā nahīñ hai ab kuchh bhī

    vo kisī adab nahīñ karte

    jo nahīñ jānte adab kuchh bhī

    us ke dil se utar ga.e 'nādir'

    tum ko aatā nahīñ hai Dhab kuchh bhī

    wo nahin jaanta hai jab kuchh bhi

    us se kahna hai be-sabab kuchh bhi

    kaun apna hai kaun begana

    hum ko malum hai ye sab kuchh bhi

    be-gharaz ho ke sab se milte hain

    hum ki rakhte hain be-talab kuchh bhi

    jab bhi milta hai muskuraata hai

    KHwah us ka ho ab sabab kuchh bhi

    hum bhi mil kar bichhaD gae us se

    baat aisi nahin ajab kuchh bhi

    aadmi ka amal se rishta hai

    kaam aata nahin nasab kuchh bhi

    lakh zulmat ka bol-baala ho

    do-ghaDi mein na hogi shab kuchh bhi

    aisa duniya se ji ulajhta hai

    nahin duniya mein jaise ab kuchh bhi

    log qismat pe chhoD dete hain

    baat banti nahin hai jab kuchh bhi

    jo nahin chahte the hum kahna

    us se kahna paDa wo sab kuchh bhi

    zehn mafluj ho gaya shayad

    yaad rahta nahin hai ab kuchh bhi

    wo kisi ka adab nahin karte

    jo nahin jaante adab kuchh bhi

    us ke dil se utar gae 'nadir'

    tum ko aata nahin hai Dhab kuchh bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY