وہ نمایاں ہے یوں ہزاروں میں
وہ نمایاں ہے یوں ہزاروں میں
جس طرح چاند ہو ستاروں میں
جلوۂ یار کس طرح دیکھوں
میری نظریں ہیں گم نظاروں میں
اے بہاروں کے لوٹنے والو
تم بھی کھو جاؤ گے بہاروں میں
دوستی رہ گئی ہے مطلب کی
اب کہاں ہے خلوص یاروں میں
کوئی سمجھا کوئی نہیں سمجھا
بات وہ کہہ گئے اشاروں میں
تیری تقریر سن کے اے واعظ
کھلبلی ہے گناہ گاروں میں
دن میں خورشید جب چمکتا ہے
پھر نہیں رہتی ضو ستاروں میں
اور تو کچھ نہیں عزیزؔ مگر
ہم بھی شامل ہیں بادہ خواروں میں
مأخذ:
کاروان غزل (Pg. 91)
- مصنف: عزیز مراد آبادی
-
- ناشر: نیشنل سوشل آرگنائزیشن، مرادآباد
- سن اشاعت: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
